ໃນປີ1986, ພາຍຫຼັງທີ່ພັກປະຊາຊົນປະຕິວັດລາວໄດ້ຮັບຮອງເອົາກົນໄກເສດຖະ ກິດໃໝ່ຊຶ່ງແມ່ນກົນໄກເສດຖາກິດທີ່ມີຕະຫຼາດເປັນຕົວສະເລ່ຍມາແທນກົນໄກເສດຖະກິດແບບມີແຜນການລວມສູນ, ຢູ່ກອງປະຊຸມໃຫຽ່ສະໄໝທີ IV, ພັກໄດ້ລະດົມໃຫ້ພະນັກງານວິຊາການຫັນທິດລົງພື້ນຖານເພື່ອນໍາເອົາກົນໄກດັ່ງກ່າວລົງໄປປະຕິ ບັດໃຫ້ປະກົດເກີດເປັນຮູບປະທໍາ, ນັກວິຊາການສັງກັດລັດຈໍານວນໜຶ່ງ,ໄດ້ລາອອກ ຈາກການສັງກັດລັດ, ໃນນັ້ນກໍ່ມີ ປອ ສີສະຫຼຽວ ສະແຫວງສຶກສາ ຜູ້ໜຶ່ງ, ຊຶ່ງໃນເວລານັ້ນເປັນຮອງຜູ້ອໍານວຍການສະຖາບັນຄົ້ນຄວ້າວິທະຍາສາດສັງຄົມທີ່ຂຶ້ນນໍາກະຊວງສຶກສາ ກີລາ ແລະ ທໍາມະການ, ໄດ້ລາອອກຈາກການເປັນພະນັກງານສັງ ກັດລັດເພື່ອປະຕິບັດຕາມທິດຊີ້ນໍາຂອງພັກ.
ໃນເວລານັ້ນ, ຢູ່ ສປປລ ບໍ່ທັນມີນິຕິກໍາຮອງຮັບການຈັດຕັ້ງສັງຄົມ,ບັນດານັກວິຊາ ການ ຈຶ່ງໄດ້ຈັດຕັ້ງກັນເປັນພຽງກຸ່ມອາສາສະໝັກທີ່ບໍ່ເປັນທາງການ,ແຕ່ໄດ້ຮັບການຊີ້ນໍາປ່າໃກ້ຊິດຈາກສູນກາງແນວລາວສ້າງຊາດ. ກຸ່ມດັ່ງກ່າວໄດ້ຮັບອະນຸຍາດສ້າງ ຕັ້ງເປັນ ”ສະມາຄົມສົ່ງເສີມການພັດທະນາສັງຄົມຊາວຊົນນະບົດ” ຢ່າງເປັນທາງການຈາກປະທານສະພາວິທະຍາສາດແລະເທັກໂນໂລຊີແລະສິ່ງແວດລ້ອມໃນປີ 2008.ໃນເດືອນມິຖຸນາ2012ສະມາຄົມສົ່ງເສີມການພັດທະນາສັງຄົມຊາວຊົນນະ ບົດໄດ້ຮັບອະນຸຍາດສ້າງຕັ້ງຢ່າງເປັນທາງການອີກເທື່ອ