ກຽວກັບ
ບໍລິສັດ ຜະລິດຕະພັນ ກະສິກອນລາວ (ຜກລ)
ບໍລິສັດ ຜະລິດຕະພັນ ກະສິກອນລາວ (ຜກລ)
ທີ່ຢູ່ : ຊອຍ 3 , ບ້ານ ສົມສະຫງ່າ, ເມືອງ ໄຊເສດຖາ, ນະຄອນຫລວງ ວຽງຈັນ
ຕິດຕໍ່
ຜູ້ອຳນວຍການທົ່ວໄປ : ທ່ານ ອາລຸນໂນໄທ ສຸລິເມືອງຈັນ, ໂທ/ວອັດແອັບ: 020 97386111;
ອີມຽວ: Asoulimeuangchan@gmail.com
ຜູ້ປະຈຳການ: ທ່ານ ສຸລິຂັນ ພຸດທະວົງ, ໂທ/ວອັດແອັບ : 020 56500240;
ອີມຽວ: Soulikhan-@hotmail.com
ຜູ້ຮັບຜິດຊອບ ການຕະຫລາດ: ນ. ອຸດາວັນ ສະແຫວງສຶກສາ
ໂທ: 030 5138512, 030 5808166, /ວອັດແອັບ: 020 55602030
Facebook: Laofarmers’products
ກຽວກັບພວກເຮົາ
ບໍລິສັດ ຜະລິດຕະພັນກະສິກອນລາວ ເປັນບໍລິສັດເອກກະຊົນນ້ອຍໆ ສ້າງຕັ້ງຂຶ້ນໃນເດືອນມັງກອນ ປີ 1997 ໂດຍອິງຕາມຄວາມອາສາສະໝັກ ຂອງພະນັກງານຈຳນວນໜຶ່ງທີ່ເຄີຍສັງກັດໃນຫລາກຫລາຍກະຊວງ. ບໍລິສັດ ຜະລິດຕະພັນກະສິກອນລາວນີ້ ຮ່ວມວຽກຢ່າງສະໜິດແໜ້ນກັບ ສະມາຄົມສົ່ງເສີມການພັດທະນາສັງຄົມຊາວຊົນນະບົດ (ສສພສຊ) ໂດຍມີ ພາລະກິດ ແລະ ຈຸດປະສົງ ດັ່ງລຸ່ມນີ້:
ພາລະກິດ :
- ພາລະກິດ ແມ່ນເພື່ອຊຸກຍູ້ ໃຫ້ຊຸມຊົນສ້າງວຽກເຮັດງານທຳ ແລະ ຢູ່ຮ່ວມກັບທຳມະຊາດຢ່າງກົມກຽວກັນ ໂດຍຜ່ານການພັດທະນາກະສິກຳແບບຍືນຍົງ, ຜ່ານຫລັກການ 10 ປະການຂອງການຄ້າເປັນທຳ, ຜ່ານຄວາມສະເໝີພາບ ແລະ ຄວາມເຄົາຣົບຊຶ່ງກັນແລະ ກັນ.
ຈຸດປະສົງ :
- ແມ່ນຊຸກຍູ້ ຜູ້ຜະລິດຂະໜາດນ້ອຍໃຫ້ສ້າງຜົນຜະລິດຫລາກຫລາຍ ມີຄຸນນະພາບ ເຊັ່ນ: ໝາກໄມ້, ເຂົ້າ, ຊາອິນຊີ, ນ້ຳເຜິ້ງ, ງ່າ, ….
- ແມ່ນປຸງແຕ່ງ ຜົນຜະລິດດັ່ງກ່າວນີ້ ເພື່ອຂາຍຢູ່ຕະຫລາດພາຍໃນ (40%) ແລະ ສົ່ງອອກຕະຫລາດຕ່າງປະເທດ (60 %) ຈຸດໜັກແມ່ນ ປະຊາຄົມເອີຣົບ, ພາຍໃຕ້ເຄືອຂ່າຍການຄ້າເປັນທຳ ໂດຍຜ່າຍ Solidar’ Monde, Artisans du Monde (ປະເທດ ຝລັ່ງ), Gepa (ປະເທດ ເຢຍລະມັນ), Claro (ປະເທດ ສະຫວິດສະແລັນ), Oxfam (ປະເທດ ແບັນຊຽມ ), ….. ພາຍໃຕ້ເງື່ອນໄຂ ລູກຄ້າຈ່າຍລ່ວງໜ້າ 50 % ແລະ ຈ່າຍອີກ 50 % ເມື່ອສິນຄ້າໄປເຖິງມືລູກຄ້າ.
ໃນປັດຈຸບັນ ຜກລ ມີຜະລິດຕະພັນຫລາກຫລາຍຢ່າງ ສະເໜີຕໍ່ທ່ານ:
- ຜະລິດຕະພັນປະເພດເຂົ້າ ດັ່ງເຂົ້າກ້ອງງອກ (ເຂົ້າກາບາ), ເຂົ້າໜຽວ, ເຂົ້າຈ້າວ, ເຂົ້າກ່ຳ, ເຂົ້າກ້ອງເປັນຕົ້ນ ແລະ ເຂົ້າກ້ອງທັນຍາຫານ.
- ຜະລິດຕະພັນປະເພດ ຊາອິນຊີ ດັ່ງ ຊາຂຽວ, ຊາດຳ ແລະ ຊາ ອູ່ຫລົງ
- ຜະລິດຕະພັນປະເພດ ກວນໝາກໄມ້ ດັ່ງ ກວນໝາກກ້ຽງນ້ຳບາກ, ກວນໝາກໜອດ, ກວນໝາກຂາມ, ກວນໝາກນັດ, ກວນໝາກນາວ, ກວນໝາກກ້ວຍ, ກວນໝາກສົ້ມໂອ, ….
- ຜະລິດຕະພັນປະເພດ ເຂົ້າໜົມໝາກໄມ້ ດັ່ງເຂົ້າໜົມໝາກຂາມ ແລະ ເຂົ້າໜົມໝາກໜອດ.
- ຜະລິດຕະພັນປະເພດ ນ້ຳເຜິ້ງຈາກພັນແມ່ເຜິ້ງ Apis cerena ລ້ຽງໂດຍກຸ່ມລ້ຽງເຜິ້ງຈາກແຂວງຊຽງຂວາງ ບ່ອນທີ່ມີທັງຕົ້ນໄມ້ເຂດໜາວ ແລະ ຕົ້ນໄມ້ເຂດຮ້ອນເກີດຢູ່ນຳກັນໄດ້ ເຊັ່ນ ມີຕົ້ນໝາກຄາຍ, ໝາກຈອງ, ໝາກໝັ້ນ ແລະ ໝາກໝັ້ນປ່າ (ໝາຍເຖິງໝາກໝັ້ນເກີດເອງ ບໍ່ມີໃຜປູກ). ເລີ້ມຕົ້ນ ກຸ່ມລ້ຽງເຜິ້ງຈາກແຂວງຊຽງຂວາງໄດ້ໄປຝຶກໂອບຮົມ ທີ່ມະຫາວິທະຍາໄລແຫ່ງຊາດ ແລະ ມະຫາວິທະຍາໄລ ຈັງຫວັດ ເລີຍ, ປະເທດໄທ, ທາງດ້ານການລ້ຽງເຜິ້ງໂດຍເປັນມິດກັບທຳມະຊາດ ແລະ ຮູ້ການເກັບກູ້ນ້ຳເຜິ້ງ ແບບຖືກຫລັກສຸກຂາອະນາໄມໂດຍບໍ່ໄດ້ທຳລາຍໂຕດ້ວງແລະໂຕນາງແຕ່ຢ່າງໃດ. ຈາກການປຸງແຕ່ງນ້ຳເຜິ້ງ ພວກເຮົາຍັງມີ ສະບູນ້ຳເຜີິ້ງປະສົມສະໝູນໄພຫລາກຫລາຍຢ່າງ ດັ່ງ ສະບູນ້ຳເຜິ້ງສົດ, ສະບູ ນ້ຳເຜິ້ງຊາຂຽວ, ສະບູ ນ້ຳເຜິ້ງຂີ້ໝິ້ນ, ສະບູ ນ້ຳເຜິ້ງສີໄຄ, ສະບູ ນ້ຳເຜິ້ງໝາກຂາມ, ສະບູ ນ້ຳເຜິ້ງໝາກໜອດ ແລະ ສະບູ ນ້ຳເຜິ້ງໝາກພ້າວ.
- ຍັງມີຜະລິດຕະພັນ ອື່ນໆອີກ ເຊັ່ນ ນໍ້າມັນງາດຳ, ຊາໃບມອນ, ຊາຫອມສະໝູນໄພ (ຊາຂີງ, ຊາສີໄຄ ແລະ ຊາໝາກແໜ່ງ). ສຸດທ້າຍ ຍັງມີຜະລິດຕະພັນທີ່ເປັນຜົງອີກ ສຳລັບການດື່ມແບບຮ້ອນໆ, ມີຂີງຜົງ, ໝາກຕູມຜົງ, …
ຜະລິດຕະພັນ ຊາອິນຊີ ໄດ້ຜ່ານການກວດກາ ແລະ ຢັ້ງຢືນໃນແຕ່ລະປີ ໂດຍ ບໍລິສັດ ການຢັ້ງຢືນການກະເສດ ຂອງປະເທດໄທ ( ACT ), ຊຶ່ງເປັນບໍລິສັດທີ່ໄດ້ຮັບການຮັບຮູ້ສາກົນ ສ່ວນໝາກໄມ້ ແມ່ນໄດ້ຮັບການຢັ້ງຢືນ ສະອາດ ແລະ ປອດສານເຄມີ ໂດຍກຸ່ມຜູ້ຜະລິດເອງ. ນັບແຕ່ເລີ້ມຕົ້ນມາ ບໍລິສັດ ຜະລິດຕະພັນກະສິກອນລາວ ໄດ້ມີການພົວພັນ ອັນດີງາມກັບຄູ່ການຄ້ານຳກັນ ແລະ ຍັງສືບຕໍ່ຮັກສາສາຍພົວພັນນັ້ນໄວ້ເປັນຢ່າງດີ ດັ່ງທີ່ສະແດງອອກໃນແຜນວາດ ຄູ່ການຄ້າຂອງບໍລິສັດ.
ນັບແຕ່ເລີ້ມຕົ້ນມາ ບໍລິສັດ ຜະລິດຕະພັນກະສິກອນລາວ ໄດ້ມີການພົວພັນ ອັນດີງາມກັບຄູ່ການຄ້ານຳກັນ ແລະ ຍັງສືບຕໍ່ຮັກສາສາຍພົວພັນນັ້ນໄວ້ເປັນຢ່າງດີ ດັ່ງທີ່ສະແດງອອກໃນແຜນວາດ ຄູ່ການຄ້າຂອງບໍລິສັດ.
